نكت وطرائف

واحد محشش سأل بياع الخضار عندك فاصولية خضرا قاله لا ... قاله طب في ألوان إيه؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عريس مسطول على الآخر في يوم فرحه..بعد المعازيم ما مشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحده وحشه قوى طلعلها عفريت وقالها نفسك فى ايه؟ قلتله نفسى الرجاله كلها تقع فيا: قالها خلاص بكره الصبح  اقلبك  بلاعه .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ليه ابوتريكة بيلبس فانلة 22 ؟
علشان 21 ضيقة عليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ليه مبيلبسش 23 ؟
 
عشان فلافيو بيلبس 23 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ايه هو الحيوان التعيس؟
القطة
ليه؟
عشان ديما تخربش ومتكسبش 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ايه الحيوان اللي دايما مشغول؟
الخرتيت .. تيت .. تيت 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟ 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ايه اقدم حيوان؟
الحمار الوحشي .. عشان ابيض واسود 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ايه هو اجدد حيوان؟
القنفد .. ليه ؟
عشان بشوكه
 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طب ليه التلاجة غبية؟
عشان بتحفظ الاكل .. مبتفهموش
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نكتة نقلت بالحرف الواحد من منتدى اميريكي

إذا سقطت حشرة في كوب القهوة الخاص بك، فماذا تفعل؟
التحليل:
إذا كنت إنجليزياً فستلقي بكوب القهوة وتغادر المقهى.
وإذا كنت أمريكياً فإنك ستخرج الحشرة من القهوة وتشرب القهوة.
أما إن كنت صينياً فإنك ستأكل الحشرة وتلقي بالقهوة.
أما الفلسطيني المحاصر فإنه سيشرب القهوة ويأكل الحشرة.
أما الإسرائيلي فسيكون رد فعله مختلفاً:
- سيبيع القهوة إلى الأمريكان والحشرة إلى الصينيين.
- سيصيح قائلاً إن أمنه أصبح معرضاً للخطر.
- سيتهم الفلسطينيين بإلقاء الحشرة في قهوته.
- سيدعي أن حزب الله والإيرانيين والسوريين يساعدون هذه الهجمات عن طريق حشرات الدمار الشامل.
- سيعزو هذا الهجوم الشرير إلى الإرهاب الفلسطيني والإخلال بحقوق الإنسان ومعاداة السامية والهولوكوست والشتات والهروب الكبير والتفرقة في التعامل مع سفينة نوح.
- يطلب من عرفات أن يقوم فوراً بمنع الحشرات من الطيران في الهواء أو الهبوط في أكواب القهوة.
- يعيد احتلال الضفة الغربية وقطاع غزة ويهدم البيوت ويقطع إمدادات المياه والكهرباء ويقوم بإذلال وإرهاب المدنيين
و قتل كل من يعترض طريقه.
- يفرض على الولايات المتحدة تقديم المزيد من المعونة العسكرية.
- يطلب قرضاً بقيمة 50 بليون دولار لفترة 100 سنة وبدون فوائد من الولايات المتحدة لشراء كوب آخر من القهوة.
- يطلب من صاحب المقهى أن يسمح له بشرب القهوة مجاناً في مقهاه مدى الحياة على سبيل التعويض.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ما هو الشي الذي له أكثر من جناح ولا يطير؟ الحل : الفندق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة (صلي ع النبي) و قال
هيلا هيلا بص ع الحيطة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرة واحد ظريف عاش في الدور.واحد أظرف منه عاش في الدور اللي فوقه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحد حرامي قرر يتوب سرق شريطين لعمرو خالد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

*مره واحد ماشى اتكعبل .....خرج بره النكته

*مره واحد ماشى بموتيسكل دخل فى حاره .....ماشوفناش باقى النكته

مره واحد طلع فى الاسانسير.. بقيه النكته طلعت على السلالم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بيقولك فيه واحد بلدياتنا اشترك بمسابقة من سيربح المليون وكان السؤال الثاني:

عصفور باليد ولا عشرة على

أ) الشجرة ------------------- ب) البقرة

ج) الصفراء ---------------- د) الحمراء


فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،

فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة

والجواب الثاني البقرة.

فقال لجورج يااااادي المصيبة بقى الجوابين الشاكك فيهم .

طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)

راحت الثلاثين ثانية وملحق يسأله السؤال.

فسأله جورج قرداحي وهلا شو بدك تسوي

فجاوب راح أنسحب ياعم و آخد ال 200 ريال بتاعت السؤال الأول والمثل بيقول:


عصفور باليد ولا عشرة على الشجرة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرة واحدة ست عجوزة قاعدة لوحدها في البيت وبعدين التليفون رن لقت واحد بيقولها انا الرجل ذو الايدي الملوثة بالدماء انا هاجي لك بعد سنة الست قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 10 شهور الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 9شهور المهم فضلو كده كل شهر يتصل بيها لغاية ما في يوم اتصل وقالها انا هاجي لك بكرة الست خافت ليكون بيتكلم بجد تاني يوم اتصل بيها وقالها انا الرجل ذو الايدي الملوثة بالدماء انا هاجي لك دلوقتي الست خافت اوي اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها انا الرجل ذو الايدي الملوثة بالدماء ممكن اغسل ايدي ؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحد بلدياتنا اشتري راديو حط فيه حجرين المذيع اتسطل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحد حب يصطاد ارنب - قلد صوت جزرة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرة واحد صعيدى دخل محل اجهزة كهربائية دخل وقال سلام عليكو التليفزيون دة بكام رد الراجل وقالة امشى من هنا مش بنبيع لصعايدة .. الصعيدي اتغاظ وصمم انة لازم يشترى التليفزيون راح حلق شنبة ولبس بدلة ودخل وقال مساء الخير لو سمحت بتبيعو التليفزيون دة بكام الراجل قالة امشى مش بنبيع لصاعيدة الصعيدى قفلت معاه انة لازم يشترى التليفزيون لبس نقاب وراح للراجل وقالة مساء الخير يا اخى بكام تبيعون هذا التليفزيون ردا الراجل وقالة امشى مش بنبيع لصاعيدة راح الصعيدى قلع النقاب وقالة انت بتعرفنى ازاى قالة عشان دى غسالة مش تليفزيون
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى!!!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
جنيه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

احد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرة واحد وقف تاكسى
قاله : حدايق القبة
قاله حتضايقها ليه يا عم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم يا عمو عاندك تورته بالكوسه يقوله لأيا حبيبي المهم الولد إستلم صاحب المحل 3 شهور و 12 يوم علي نفس النظام صاحب المحل قال لما أقوله اه فيه وخلاص جه الولد اليوم اللي بعد كده قاله عمو عاندك تورته بالكوسه قاله أه يا حبيبي رد الولد قاله يععععععععععععععععع





اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟


*****
واحد حرامي قرر يتوب سرق شريطين لعمرو خالد


*****
الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه


الاشتراك في: الرسائل (Atom)